तीतो पिरो मिठो

युद्धकालमा माओवादीले ध्वस्त पारेको तेह्रथुमको तीनजुरे स्थित नेपाल टेलिभिजनको टावर (कुमारबाट प्राप्त)

मधेसी भाईरस किलर्स पार्टी कार्यकर्ता ०६५ साउन ११ गते त्रिकोल गाविसमा हतियारधारीद्वारा गोली हानी हत्या गरेको अवस्थामा फेला परेका छन् ।

 सप्तरीकै मधवापुर-७ निवासी भाईरस कार्यकर्ता ३० वर्षीय सुरेश रामलाई त्रिकोल र गोईठीको सीमामा पर्ने त्रिकौल गाविस-६ स्थित बुधेवा खोलामा हतियारधारीले गोली हानी हत्या गरेका हुन् । उनको टाउको र छातीमा गोली लागेको प्रहरीले जनाएको छ । रामलाई तीन दिनअघि हत्या गरिएको हुनसक्ने प्रहरीले अनुमान गरेको छ ।

 घटनाका सम्बन्धमा रामका भाइ शत्रुघन रामले प्रहरीलाई खबर गरेपछि उनको लाश गएराति गोली हानेर हत्या गरेको अवस्थामा फेला परेको इलाका प्रहरी कार्यालय कञ्चनपुरका निरिक्षक राजेन्द्र पराजुलीले बताए । 

 उनको लाश पोष्टमार्टमका लागि राजविराज पठाएको पराजुलीले जानकारी गराए ।

प्रहरी, प्रशासन र व्यवसायीहरूबीच एक साता भित्रमा समस्या समाधान गर्ने सहमतिपछि ०६५ साउन १२ गते विहानदेखि मेची राजमार्गमा यातायात सूचारु भएको छ । 

 ०६५ साउन ११ गते राति सम्पन्न छलफलमा इलाम नगरपालिकाले उठाउँदै आएको कर र ०६५ साउन १० गते तोडफोड गरिएका क्षतिपूर्तिका बारेमा एक हप्ता भित्रमा निष्कर्षा पुग्ने सहमति पछि यातायात सूचारु भएको हो ।

व्यवसायीहरूको मागप्रति प्रशासनको गम्भीर ध्यानाकर्षण भएको र सम्बन्धित पक्षहरूसँग चाँडै पहल गरिने प्रमुख जिल्ला अधिकारी रामप्रसाद घिमिरेले जानकारी दिए । बन्द खुलेपछि इलाम लगायत पर्ूवको जनजीवन सामान्य बन्दै गएको छ ।विभिन्न तीन सूत्रीय माग राख्दै पूर्वेली ट्याक्सी व्यवसायी संघले तीन दिनदेखि मेची राजमार्गमा चक्काजाम गरेको थियो ।